Əsmər HÜSEYN XAN
(Şəhərdə bir qarın çörək üçün avtomobil şüşəsi təmizləyən balaca oğlan gördüm)
Çirklənmiş bu şəhərdə şüşə silən balaca,
Gözünü sil, ağlama, şüşələr təmizlənməz.
Şəhər yatıb, sən də gəl, gəl uyu dizlərimdə,
Şirin yuxun olmasa gecələr təmizlənməz.
Bu korlar şəhərində hamı yanından keçər,
Gördüm deyən tapılmaz, lap ünvanından keçər,
Əllərinin soyuğu gəlib canımdan keçər,
Ölü bədənlər gəzən küçələr təmizlənməz.
Gözə görünməzliyin ürəyimi ağrıdar,
Boyundan böyük yükün kürəyimi ağrıdar,
Qış olar, yalın əynin köynəyimi “ağrıdar”,
Vicdan yoxsulu olan qəlb ölər, təmizlənməz.
Yorum bırakın
Henüz yorum yapılmamış.
DİRİLİ QURBANİ MƏCLİSİ 
Cavab qoy